2019/06/25 Zarautz 2019/06/28 Hiriburu + En Tol Sarmiento 2019/06/29 La Quadra + Modus Operandi 2019/06/30 Sopela

«Espero dena» kaleratu dugu!

Hamahiru urte plazarik plaza gure inguruko kantu eta dantzarik ezagunenak jo eta kantatzen ibili ostean, gure kantu propioarekin ausartu gara orain eta «Espero dena» abestia kaleratu berri dugu.

Taldea 2006tik dabil Euskal Herrian zein Euskal Herritik kanpo ehunka plaza alaitzen; dantzan eta kantuan egitekoak edo, beste barik bada ere, gorputzari pozaldi uneak eskaintzeko abestiak interpretatzen. Baina hamahiru urteko ibilbide luze horretan, oraindik gazte-gaztea den taldeak beti jo eta kantatu izan ditu besteen lanak, noski, horretan oinarritzen direlako erromeria taldeak.

Ordea, orain pausu berri bat eman eta abesti propio berriarekin frogatu gura izan dugu, jendarteari —eta bereziki gazteriari— alaitasuna, positibismoa eta norbere buruan sinisteko indarra eskaintzeko asmoz.

Komunikabideak piztea baino ez dago munduan egunero gertatzen diren ezbeharrez ohartzeko, eta horrek gazteengan ere eragin zuzena duela uste dugu: «Izan albiste txarrak direlako, zure ingurukoek zugandik espero dutena ez zarelako edo Sare Sozialen bitartez gure buruari exijitzen diogun irudiaren exijentzia-maila altua delako, oso tarte gutxi geratzen zaigu bakoitza den horretaz gozatzeko».

Beraz, taldeak guzti horrekin amaitu eta euskal gizarteari positibismoaren aldarrikapen irmoa eskaini gura dio «Espero dena» kantu berriaren bitartez.

Letra irakurri eta abestia bera deskargatzeko, egin klik hemen.

Kamiseta berriak kalean!

Facebook KAMISETA BERRIAK!! sarrera irudia

Kontatu genizuen bezala, aurten hainbat nobedade eta sorpresekin gatoz! 🤸
Eta hementxe duzue lehenengoa: KAMISETA BERRIAK!!! Hainbat aukera ditugu eskuragarri!👇

Kamiseta bat nahi duzula?
Ba ondorengoak dira lortzeko dituzun moduak:

1. Gure web orrialdeko dendan.

2. Gure sare sozialetara mezu pribatu bat idatzita edo email bidez, helbide honetara mezu bat idatziz: oxabi.erromeria@gmail.com

3. Gure kontzertuetan! Lehenengoa igande honetan bertan, Lekeitioko IBILALDIAn! Eta ordutik aurrera, kontzertu guztien ostean izango dituzue eskuragarri!

Kontzertuetara etortzeko aitzakiarik ez zaizue falta! 😉

Diseinuak: Smoke Signals.

Hau hasiera besterik ez da!

Denboraldi honetarako konfirmatutako lehenengo datak baino ez dira hauek! Askoz gehiago ditugu bidean! Laster gehiago iragartzen joango gara! Baina hori bai, kontzertu guztien xehetasunen berri izateko, jarraitu gure Sare Sozialak!

Eta zuk ere, zure herriko jaietan Oxabirekin gozatu nahi baduzu, jarri gurekin kontaktuan ahalik eta lasterren, kontratazioa oraindik zabalik dugu eta!

58608440_868453480156353_1078387277807222784_n