2019/08/30 Zeberio 2019/09/05 Lekeitio ANTZAR EGUNA + Huntza 2019/09/07 Lezama 2019/09/13 Galdakao

Eskerrik asko 2018ari!

Urteak gero eta indartsuago, gero eta gogotsuago, gero eta hobekuntza gehiagorekin… igarotzen direna uste dugu Oxabi familian, eta aurtengoa ere mundiala izan da!

Bideo honekin agurtu dugu 2018a, noski, zuei eskerrak emanez. Beti ondoan zaituztegu, eta erromeriak ez luke zentzurik izango zuen parte-hartzerik gabe!

Horregatik, eskerrak eman eta datorren 2019. urteari gogor ekiteko desioa partekatu gura dugu zuekin! Urtea bikain amaitu, eta datorrena hobeto hasi! 😉

Baina agurtu aurretik: gogoan izan 2019ko KONTRATAZIOA ZABALIK dugula dagoeneko! Joan Kontaktuak atalera eta deitu edo idatziguzu konpromiso barik!

Eskerrik asko!

49029673_796941013974267_6899477348815470592_n

Urtea ez da amaitu, ez horixe!

Aurreko sarreran esan genizuen, eta emandako berba sakratua da: “…uda amaitzeak ez du esan nahi urtea amaitu denik”. Eta horren aitzakian gatoz berriz kalera!

Uda denboraldia amaitu genuela aitortu bagenizuen ere, Euskal Herriko jaiek gure herriko plazak alaitzen jarraitzen dituzte, eta horren lekuko izango dira datozen egunotan bisitatuko ditugun plazak:

– Urriak 31, asteazkena, Leioako Ikea Barri plaza, 00:00etatik aurrera.
– Azaroak 9, ostirala, Zamudioko herriko plaza, 23:00 aldera hasita.
– Abenduak 6, osteguna, Orioko herriko plaza, 23:45etik hasita.

Logikoa den legez, uda, txosna eta bero-sasoia da erromerien eromeria, baina horrek ez du esan nahi gainontzeko garaiotan ez dagoenik erromerirako gogorik!

Eta zuk, hotzari aurre egiteko plan hoberik baduzu?

OXABIpromo2018-2

Uda-denboraldia amaitu da!

💜 BIHOTZEZ, ESKERRIK ASKO!

Atzoko Iurretako argazki honekin agur esan diogu OXABI erromeriaren udako denboraldiari. Ondo irudikatzen du irudiak bizi izan duguna: musika, kolore, su eta alaitasun leherketa, zuei esker.

Uda zoragarria izan da! Bost hilabete eta 40 kontzertu inguru, gure musika taldeen arrakastak protagonista direla. Ez diguzue uda osoan hutsik egin, eta musikak zein erromeriak bizi-bizi eta gazte-gazte jarraitzen dutela erakutsi diguzue beste behin.

Orain atseden txikitxo bat hartuko dugu, baina gure uda amaitzeak ez du esan nahi urtea amaitu denik. Izango duzue laster gure berri! 😘

42799916_10156123915864514_1606612871611940864_o